اسلام آباد(نیٹ نیوز) جاپانی سفیر کونینوری متسودا نے کہا ہے کہ پاکستان کی ہر خوشی اور غم میں جاپان ہمیشہ ساتھ دیگا۔گزشتہ روزانہوں نے اپنے پیغام میں حکومت جاپان کی جانب سے پاکستانیوں اور حجاج کو عیدالاضحیٰ کی مبارکباد پیش کی۔کونینوری متسودا نے مزید کہا کہ جاپان اور پاکستان کے تعلقات ہمیشہ خوشگوار اور دوستانہ رہے ہیں۔ سچے دوست کی حیثیت سے پاکستانی عوام کیلئے امن، ترقی اورخوشحالی کے خواہشمند ہیں۔ جاپان پاکستان کیساتھ مستقبل میں بھی باہمی تعاون جاری رکھے گا۔ چاہے کورونا کی وبا ہو، ٹڈی دل کا حملہ یا سیلاب، جاپان حکومت پاکستان کیساتھ ہے ۔