لاہور (کلچرل رپورٹر) پاکستانی اور بھارتی اداکاروں پر مشتمل رومانوی فلم ’’یارا وے ‘‘ کا ٹیزر جاری کرتے ہوئے اسے رواں برس جون میں دنیا بھر میں ریلیز کرنے کا اعلان کردیا گیا۔’’یارا وے ‘‘ کا مختصر ٹیزر ویلنٹائنز ڈے پر جاری کیا گیا۔ فلم کے ٹیزر کو مرکزی اداکار سمیع خان اور اداکارہ علیزے نصیر سمیت فلم کی دیگر کاسٹ نے بھی سوشل میڈیا پر شیئر کیا۔فلم کے حوالے سے اداکار فیضان خواجہ نے بتایا کہ اسے 17 جون کو دنیا بھر میں ریلیز کردیا جائے گا۔