کراچی(این این آئی) گزشتہ فروری2020 کے دوران پاکستان سے سیمنٹ کی برآمدات میں10.56فیصد اضافہ ہوگیاجبکہ گزشتہ مالی سال فروری2019کی نسبت رواں سال فروری میں سیمنٹ کی برآمدات میں اضافے سے ایکسپورٹرز کے فائدے میں10فیصد سے بھی زائد کا اضافہ دیکھا گیا۔تفصیلات کے مطابق فروری2020ء کے دوران سیمنٹ کی برآمدات کا حجم23.8 ملین ڈالر تک بڑھ گیا جبکہ فروری2019 ء کے دوران سیمنٹ کی برآمدات سے 21.5 ملین ڈالر زرمبادلہ کمایا گیا تھا۔اس طرح فروری 2019ء کے مقابلہ میں فروری2020ء کے دوران سیمنٹ کی قومی برآمدات میں 2.3 ملین ڈالر یعنی10.56فیصد کا اضافہ ریکارڈ کیا گیا ہے ۔