نیو یارک (شوبز ڈیسک) ہالی ووڈکی تھری ڈی میوزیکل کامیڈی فلم’’ٹرولز ‘‘کے نئے سیکوئل‘’ ٹرولز ورلڈ ٹوور‘‘ کا ٹریلر جاری کر دیا گیا ۔ ہدایتکار مائیک مشیل اور والٹ ڈورہم کی مشترکہ ڈائریکشن میں بننے والی اس فلم کی کہانی ڈریم ورک اینیمیشن کے مشہور کردار ٹرول ڈول کے ایسے انوکھے اور دلچسپ راک سٹارز کی محنت کی عکاسی کر رہی ہے جواپنے منفرد انداز سے دیکھنے والوں کے ہر دلعزیز بن جاتے ہیں۔فلم کو جینا شے نے پروڈیوس کیا ہے جبکہ اس فلم کے مختلف اینیمیٹڈکرداروں کے لئے جسٹن ٹِمبر لیک، اینا کینڈرک، گیون اسٹیفانی، جیمز کوردن، کنال نیئر اور رون فنچزنے اپنی آوازوں میں ڈائیلاگ اور گانے ریکارڈ کروائے ہیں۔فلم اگلے برس 17اپریل کو ریلیز کی جائے گی۔