کراچی ( سٹاف رپورٹر)انسداد دہشتگردی عدالت نے سانحہ 12 مئی کے 4 مقدمات میں میئرکراچی اوردیگرملزمان پرفردجرم عائد کرنے کیلئے 19جنوری کی تاریخ مقررکردی۔ہفتے کوانسداد دہشتگردی کی عدالت میں سانحہ بارہ مئی سے متعلق 4 مقدمات کی سماعت ہوئی،مئیرکراچی سمیت دیگر21 ملزمان عدالت میں پیش ہوئے ،مفرورملزم عبدالزاہد کو بھی گرفتاری کے بعد عدالت کے روبرو پیش کیا گیا۔ملزم عبدالزاہد کوچارمقدمات سے متعلق مقدمے کی نقول فراہم کردی گئیں۔