کراچی (کامرس رپورٹر)مقامی کرنسی مارکیٹوں میں جمعہ کو پاکستانی روپے کے مقابلے میں امریکی ڈالر مستحکم رہی جب کہ یورو اور برطانوی پاونڈ کی قدر میں مزیداضافہ ریکارڈ کیا گیا ۔فاریکس ایسوسی ایشن آف پاکستان کے مطابق گزشتہ روزانٹربینک مارکیٹ میں روپے کے مقابلے میں امریکی ڈالرکی قیمت خرید154.24روپے اورقیمت فروخت 154.34روپے مستحکم رہی جب کہ اوپن مارکیٹ میں بھی امریکی ڈالر کی قیمت خرید154روپے اورقیمت فروخت154.30روپے برقرار رہی ۔