کوئٹہ (این این آئی) ڈپٹی سپیکر قومی اسمبلی قاسم خان سوری نے کرونا وائرس میں مبتلا ہونے کی افواہوں کی تردید کرتے ہوئے کہا ہے کہ ان کے خلاف من گھڑت افواہیں پھیلائی جارہی ہیں، سوشل میڈیا پر افواہیں پھیلانے والوں کے خلاف قانونی چارہ جوئی کا حق محفوظ رکھتاہوں۔یہ بات انہوں نے منگل کی شب گفتگو کرتے ہوئے کہی، ان کا مزید کہنا تھا کہ میں صحت مند اور توانا ہوں، منگل کو دفتر گیا تھا کام بھی کیا۔ کچھ لوگوں کو کام کرنے والے لوگ پسند نہیں ہوتے ۔