لاہور ( رانا محمد عظیم) بھارتی فوج میں سکھوں کے بعد مرہٹوں نے بھی بغاوت کرتے ہوئے کشمیریوں کا قتل عام کرنے سے انکار کر دیا۔مرہٹوں کے انکار کے بعد بھارتی فوج کے اندر ہندو اور مرہٹہ فوجیوں کے درمیان سخت لڑائی ہوئی ، تین ہندو افسر جبکہ 13مرہٹے فوجی ہلاک ہو گئے ۔ مرہٹہ فوجیوں کی بغاوت کے بعد انہیں کشمیر سے واپس بھیجنے کا عمل شروع ہو گیا۔ با وثوق ذرائع کے مطابق نریندر مودی کے کشمیر میں ظالمانہ اقدام کے بعد سکھ فوجیوں کے بعد مرہٹہ فوجیوں نے بھی باقاعدہ بغاوت کر دی اور کشمیر میں ہندو کمانڈرز کے احکامات ماننے سے انکار کر دیا ہے ۔ سری نگر، پلوامہ، بارہمولہ میں ہندو چھائونیوں کے اندر مرہٹہ فوجیوں نے نہ صرف کشمیر آپریشن میں حصہ لینے سے انکار کر دیا بلکہ کئی ہندو آفیسرز کے احکامات ماننے سے بھی انکار کرتے ہوئے ہتھیار اٹھا لیئے ۔ ان علاقوں میں آپس میں ہونے والے لڑائی میں تین ہندو افسر اور تیرہ مرہٹہ فوجی ہلاک ہو گئے ۔ ذرائع کے مطابق مرہٹوں اور سکھوں کو واپس بھارت بھیجنے پر بھی فوج کے اندر بغاوت کم ہوتی نہیں نظر آ رہی۔ ذرائع کا کہنا ہے ہندو فوجی افسر واضح کہہ رہے ہیں کہ مرہٹوں اور سکھوں کو فوج سے علیحدہ کر کے ان کیخلاف کارروائی کرنی چاہئے ، نہیں تو یہ آنے والے دنوں میں فوج کے خلاف چلنے والی تحریک کا حصہ بن سکتے ہیں ۔