پنجاب حکومت نے حکومتی ترجیحات کے مطابق کام نہ کرنے والے افسروں کے خلاف کارروائی کا فیصلہ کر لیا ہے۔ موجودہ حکومت نے اقتدار میں آنے سے قبل عوام کو حقیقی تبدیلی لا کر ان کے مسائل حل کرنے کی یقین دہانی کروائی تھی لیکن 9 ماہ کا عرصہ گزرنے کے باوجود یہ محسوس ہو رہا ہے کہ وہ سب دعوے اور وعدے لالی پاپ ہی تھے۔ دیگر سیاسی جماعتوں کی طرح تحریک انصاف نے بھی عوام کو محض تبدیلی کا جھانسہ دیا تھا۔ ماضی میں بھی بیوروکریسی کے دروازے عوام کیلئے بند ہوتے تھے جبکہ تحریک انصاف کے دور میں بھی بیورو کریسی عوام کو قریب پھٹکنے نہیں دے رہی۔ اس سلسلے میں اصلاح احوال کی خاطر چیف سیکرٹری پنجاب نے سیکرٹریز، کمشنروں، ڈپٹی کمشنروں اور پولیس افسران کو دفتری اوقات میں حکومتی پالیسی کی پاسداری کرنے کا حکم دیا ہے۔ تمام افسران کو عوامی مقامات پر ہفتہ وار کھلی کچہریاں لگانے اور دفاتر کے دروازے عام آدمی کیلئے کھلے رکھنے کی ہدایت کی ہے۔ سرکاری دفاتر میں کام کیلئے عام آدمی کو کتنے پاپڑ بیلنے پڑتے ہیں اس کا اندازہ صرف وہی افراد کر سکتے ہیں جو صبح سے شام تک جائز کاموں کیلئے ان دفاتر کا طواف کرتے ہیں۔ سیکرٹری تو دور کی بات ہے، ڈپٹی ڈائریکٹرز تک 15 دن دفاتر میں نہیں آتے جو آجائیں تو تب تک فائلوں پر دستخط نہیں کرتے جب تک نذرانہ نہ ملے۔ خدارا! دفاتر میں فائلوں پر تاریخ اور ٹائم لکھ کر افسران کو پابند کریں کہ وہ زیادہ سے زیادہ دو دن فائل پاس رکھیں تاکہ سائل انتظار کی سولی پر نہ لٹکتا رہے۔
افسران کو حکومتی احکامات کا پابند ہونے کی ہدائت
اتوار 12 مئی 2019ء
پنجاب حکومت نے حکومتی ترجیحات کے مطابق کام نہ کرنے والے افسروں کے خلاف کارروائی کا فیصلہ کر لیا ہے۔ موجودہ حکومت نے اقتدار میں آنے سے قبل عوام کو حقیقی تبدیلی لا کر ان کے مسائل حل کرنے کی یقین دہانی کروائی تھی لیکن 9 ماہ کا عرصہ گزرنے کے باوجود یہ محسوس ہو رہا ہے کہ وہ سب دعوے اور وعدے لالی پاپ ہی تھے۔ دیگر سیاسی جماعتوں کی طرح تحریک انصاف نے بھی عوام کو محض تبدیلی کا جھانسہ دیا تھا۔ ماضی میں بھی بیوروکریسی کے دروازے عوام کیلئے بند ہوتے تھے جبکہ تحریک انصاف کے دور میں بھی بیورو کریسی عوام کو قریب پھٹکنے نہیں دے رہی۔ اس سلسلے میں اصلاح احوال کی خاطر چیف سیکرٹری پنجاب نے سیکرٹریز، کمشنروں، ڈپٹی کمشنروں اور پولیس افسران کو دفتری اوقات میں حکومتی پالیسی کی پاسداری کرنے کا حکم دیا ہے۔ تمام افسران کو عوامی مقامات پر ہفتہ وار کھلی کچہریاں لگانے اور دفاتر کے دروازے عام آدمی کیلئے کھلے رکھنے کی ہدایت کی ہے۔ سرکاری دفاتر میں کام کیلئے عام آدمی کو کتنے پاپڑ بیلنے پڑتے ہیں اس کا اندازہ صرف وہی افراد کر سکتے ہیں جو صبح سے شام تک جائز کاموں کیلئے ان دفاتر کا طواف کرتے ہیں۔ سیکرٹری تو دور کی بات ہے، ڈپٹی ڈائریکٹرز تک 15 دن دفاتر میں نہیں آتے جو آجائیں تو تب تک فائلوں پر دستخط نہیں کرتے جب تک نذرانہ نہ ملے۔ خدارا! دفاتر میں فائلوں پر تاریخ اور ٹائم لکھ کر افسران کو پابند کریں کہ وہ زیادہ سے زیادہ دو دن فائل پاس رکھیں تاکہ سائل انتظار کی سولی پر نہ لٹکتا رہے۔
آج کے کالم
یہ کالم روزنامہ ٩٢نیوز میں اتوار 12 مئی 2019ء کو شایع کیا گیا
آج کا اخبار
-
پیر 25 دسمبر 2023ء
-
پیر 25 دسمبر 2023ء
-
منگل 19 دسمبر 2023ء
-
پیر 06 نومبر 2023ء
-
اتوار 05 نومبر 2023ء
اہم خبریں