سانگلہ ہل (نامہ نگار) محکمہ تحفظ ماحولیات کی اینٹی ڈینگی ٹیم کی جانب سے ضلع میں ٹائرشاپس، نرسریوں، کباڑخانوں اورسروس اسٹیشنوں کی چیکنگ کاعمل روزانہ کی بنیادپرجاری ہے اورڈینگی سے بچاؤکیلئے حفاظتی اقدامات نہ کرنے والوں کے خلاف سخت قانونی کارروائی عمل میں لائی جارہی ہے ، ان خیالات کااظہاراسسٹنٹ ڈائریکٹرماحولیات عبدالقیوم نے ضلع میں اینٹی ڈینگی ٹیم کی کارکردگی کاجائزہ لینے کیلئے معائنہ کے دوران کیا، انسپکٹرزمحکمہ ماحولیات محمدصدیق اورمحمدشریف بھی ان کے ہمراہ تھے۔