کراچی (سٹاف رپورٹر)سابق صدر آصف زرداری کی بہن فریال تالپور نے نام ای سی ایل سے نکالنے کیلئے سندھ ہائیکورٹ سے رجوع کرلیا،عدالت نے پی پی رہنما کی برطانیہ جانے سے متعلق درخواست پر وفاقی وزارت داخلہ، چیئرمین نیب، ڈی جی ایف آئی اے ، ڈی جی امیگریشن، ایڈیشنل اٹارنی جنرل کو26 نومبر کے لیے نوٹس جاری کردیئے اور فریقین کو تیاری کے ساتھ پیش ہونے کی ہدایت کی ۔ فریال تالپور نے موقف اختیار کیا کہ بیٹی عائشہ تالپور برطانیہ میں زیر تعلیم ہے ،اس کی طبعیت ناساز ہے ،چار ہفتے برطانیہ میں قیام کی اجازت دی جائے ۔