کراچی (نیٹ نیوز ) کراچی میں سویڈن کے اعزازی قونصل جنرل کو سویڈن کے بادشاہ کی جانب سے اعلیٰ اعزاز سے نواز دیا گیا۔کراچی میں سویڈن کے اعزازی قونصل جنرل بشیر علی محمد کو سویڈن کے بادشاہ کی جانب سے اعلیٰ اعزاز سے نوازے جانے کی اطلاع قونصلخانے کے ٹوئٹر اکاؤنٹ پر دی گئی۔ٹویٹ میں بتایا گیا کہ اعزازی قونصل جنرل کو بادشاہ کی جانب سے ’ رائل آرڈر آف دی پولر سٹار‘ کا اعزاز دیا گیا ۔ٹویٹ کیساتھ بشیر علی محمد کی اعزاز کیساتھ تصویر بھی جاری کی گئی ۔