دبئی (سپورٹس ڈیسک) دبئی ڈیوٹی فری ٹینس چیمپئن شپ کے مینز سنگلز کے پہلے راؤنڈ میں عالمی نمبر ایک نوواک جوکووچ اور اینڈی مرے نے حریف کھلاڑیوں کو زیر کر دیا۔ سربیا کے نوواک جوکووچ نے اٹلی کے لورینزو موسیٹی کو 6-3 اور 6-3 سے شکست دے کر دوسرے راؤنڈ میں جگہ بنالی۔ جوکووچ کا کووڈ ویکسینیشن معاملے پر آسٹریلیا سے ملک بدری کے بعد یہ پہلا میچ تھا۔ سابق عالمی نمبر ایک برطانوی اینڈی مرے نے آسٹریلین کوالیفائر کرس او کونیل کیخلاف سخت مقابلے میں 6-7، 6-3 اور 7-5 سے کامیابی حاصل کی۔