ملک بھر میں گزشتہ 24 گھنٹوں میں سینکڑوں مریضوں میں ڈینگی وائرس کا انکشاف ہوا ہے جس سے متعددافراد جان کی بازی ہار گئے ہیں۔ حکومتی اعدادو شمار کے مطابق پنجاب میں ڈینگی سے متاثر مریضوں کی تعداد 4547 جبکہ ملک بھر میں 9 ہزار سے تجاوز کر چکی ہے۔ ماضی میں جب پہلی بار ملک میں ڈینگی کے مریض سامنے آئے تھے تو اس وقت کی حکومت نے انسداد ڈینگی کے لئے نا صرف سری لنکا سے ماہرین بلوائے بلکہ پنجاب میں انسداد ڈینگی کے لئے اربوں روپے کا بجٹ مختص کرکے صوبے بھر کے گلی محلوں میں لاروا کا پتہ لگانے کے لئے ٹیمیں تشکیل دی تھیں اور ہر سال مچھر مار سپرے کئے جانے کو یقینی بنایا تھا اس طرح کچھ ہی برسوں میں کم از کم پنجاب کی حد تک ڈینگی کے مرض کو کنٹرول کر لیا گیا۔ یہی وجہ ہے کہ جب خیبرپختونخوا میں ڈینگی کے مریض سامنے آنا شروع ہوئے تو پنجاب حکومت نے اپنی ماہرانہ خدمات کی پیشکش کی تھی مگر جلد ہی پنجاب میں ڈینگی کے مریض سامنے آنا شروع ہوئے تو پنجاب حکومت کی اپنی کارکردگی کا پول بھی کھل گیا۔ پنجاب میں ڈینگی پھیلنے کی ایک وجہ ڈینگی سکواڈ کے غیرفعال ہونے اور حکومت کی طرف سے سالانہ فوگ سپرے کروانے سے غفلت بتائی جا رہی ہے۔ اب جبکہ ڈینگی کے عفریت نے صوبے کو جکڑ لیا ہے تو حکومت نے چھاپے مارنے اور مالکان کو گرفتار کرنا شروع کر دیا ہے، حالانکہ جن علاقوں میں لاروا مل رہا ہے وہاں سپرے کروانا حکومت کی ذمہ داری تھی۔ بہتر ہو گا حکومت نمائشی اقدامات کے بجائے اس موذی مرض کے انسداد کے لئے عملی اقدامات کرے۔
انسداد ڈینگی کے حوالے سے حکومت کی مجرمانہ غفلت
بدھ 09 اکتوبر 2019ء
ملک بھر میں گزشتہ 24 گھنٹوں میں سینکڑوں مریضوں میں ڈینگی وائرس کا انکشاف ہوا ہے جس سے متعددافراد جان کی بازی ہار گئے ہیں۔ حکومتی اعدادو شمار کے مطابق پنجاب میں ڈینگی سے متاثر مریضوں کی تعداد 4547 جبکہ ملک بھر میں 9 ہزار سے تجاوز کر چکی ہے۔ ماضی میں جب پہلی بار ملک میں ڈینگی کے مریض سامنے آئے تھے تو اس وقت کی حکومت نے انسداد ڈینگی کے لئے نا صرف سری لنکا سے ماہرین بلوائے بلکہ پنجاب میں انسداد ڈینگی کے لئے اربوں روپے کا بجٹ مختص کرکے صوبے بھر کے گلی محلوں میں لاروا کا پتہ لگانے کے لئے ٹیمیں تشکیل دی تھیں اور ہر سال مچھر مار سپرے کئے جانے کو یقینی بنایا تھا اس طرح کچھ ہی برسوں میں کم از کم پنجاب کی حد تک ڈینگی کے مرض کو کنٹرول کر لیا گیا۔ یہی وجہ ہے کہ جب خیبرپختونخوا میں ڈینگی کے مریض سامنے آنا شروع ہوئے تو پنجاب حکومت نے اپنی ماہرانہ خدمات کی پیشکش کی تھی مگر جلد ہی پنجاب میں ڈینگی کے مریض سامنے آنا شروع ہوئے تو پنجاب حکومت کی اپنی کارکردگی کا پول بھی کھل گیا۔ پنجاب میں ڈینگی پھیلنے کی ایک وجہ ڈینگی سکواڈ کے غیرفعال ہونے اور حکومت کی طرف سے سالانہ فوگ سپرے کروانے سے غفلت بتائی جا رہی ہے۔ اب جبکہ ڈینگی کے عفریت نے صوبے کو جکڑ لیا ہے تو حکومت نے چھاپے مارنے اور مالکان کو گرفتار کرنا شروع کر دیا ہے، حالانکہ جن علاقوں میں لاروا مل رہا ہے وہاں سپرے کروانا حکومت کی ذمہ داری تھی۔ بہتر ہو گا حکومت نمائشی اقدامات کے بجائے اس موذی مرض کے انسداد کے لئے عملی اقدامات کرے۔
آج کے کالم
یہ کالم روزنامہ ٩٢نیوز لاہور میں بدھ 09 اکتوبر 2019ء کو شایع کیا گیا
آج کا اخبار
-
پیر 25 دسمبر 2023ء
-
پیر 25 دسمبر 2023ء
-
منگل 19 دسمبر 2023ء
-
پیر 06 نومبر 2023ء
-
اتوار 05 نومبر 2023ء
اہم خبریں