لاہور؍ اسلام آباد(جنرل رپورٹر؍ صباح نیوز)ملک بھر میں عالمی وبا کورونا وائرس سے اموات میں کمی آنے لگی اور گزشتہ چوبیس گھنٹوں کے دوران مزید 2 مریض انتقال کرگئے جس کے بعد اموات کی مجموعی تعداد 30 ہزار 319 ہو گئی جبکہ مزید 514 کورونا کیسز رپورٹ ہوئے اور مثبت کیسز کی شرح 1.33 فیصد رہی۔پنجاب میں 24 گھنٹوں کے دوران کورونا کے 97 نئے کیسز سامنے آئے جبکہ رحیم یار خان میں ایک ہلاکت رپورٹ ہوئی۔ صوبہ بھر میں کورونا کے باعث اموات کی کل تعداد 13,540 ہو چکی ہے ۔