لاہور( این این آئی)صوبائی دارالحکومت لاہو رکے رہائشیوں نے ووٹ ڈالنے کیلئے صبح کے وقت پولنگ سٹیشنز پہنچ کر تعطیل کے روز دیر سے جاگنے کی اپنے اوپر لگی چھاپ ہٹا دی ہے ۔ تفصیل کے مطابق لاہور یوں کے بارے میں یہ تاثر عام ہے کہ وہ تعطیل کے روز دوپہر کے وقت جاگتے ہیں اورناشتہ کر کے اپنی سر گرمیوں کا آغاز کرتے ہیں۔ انتخابات2013 ء میں بھی یہ رجحان دیکھا گیا کہ لاہورکے شہری دوپہر کے وقت جاگ کر بڑے آرام اور اطمینان سے ووٹ ڈالنے کیلئے پولنگ سٹیشنزپر پہنچے تھے ۔