اسلام آباد (سپیشل رپورٹر)وزیر اعظم عمران خان نے جولائی میں 410 ارب روپے کا ریکارڈ ریونیو جمع کرنے پر ایف بی آر کی کارکردگی کو سراہا ہے ۔ہفتہ کو اپنے ٹویٹ میں وزیراعظم نے کہا اب تک جولائی میں 410 ارب روپے اکٹھے کئے جاچکے ہیں جو کہ تاریخی طور پر ماہِ جولائی میں جمع کی جانے والی سب سے بڑی رقم اوراس مہینے کے ہدف سے تقریباً 22 فیصد زیادہ ہے ۔انہوں نے کہا ان وصولیوں سے پائیدار معاشی نمو اور بحالی کے حوالے سے حکومتی پالیسیوں کی عکاسی ہوتی ہے ۔