لاہور(جنرل رپورٹر) شہر میں سیوریج کے پانی میں پولیووائرس کی تصدیق کے بعد شہر کی ہائی رسک یونین کونسلز میں آج سے 4روزہ انسداد پولیو مہم شروع ہو گی ۔شہر کی79ہائی رسک یونین کونسلوں میں پولیو مہم چلائی جا رہی ہے ۔اس موقع پر مہم کے دوران ٹیمیں گھر گھر جا کر پانچ سال سے کم عمر بچوں کا پولیو کے قطرے پلائیں گی۔ پولیو مہم کے آخری2 روز میں کیچ اپ ڈے کے طور پر رہ جانے والے بچوں کوحفاظتی قطرے پلائے جائیں گے جبکہ اگست میں بھی 2بار مہم چلائی جائے گی۔