اسلام آباد(سپیشل رپورٹر)پاکستان بیت المال کی طرف سے آزاد کشمیر کے دارالحکومت مظفرآباد میں پہلی پناہ گا ہ کا افتتاح کردیا گیا ہے ۔افتتاح وزیر اعظم آزاد کشمیر سردا ر عبدالقیوم خان نیازی اور منیجنگ ڈائریکٹر پاکستان بیت المال ملک ظہیر عباس کھوکھر نے کیا۔ وزیر اعظم آزاد کشمیر، ایم ڈی پاکستان بیت المال نے پناہ گاہ میں آئے مستحق افراد کے ساتھ کھانا بھی کھایا۔ ظہیرکھوکھرنے دارالاحساس مرکز کا دورہ بھی کیا اور یتیم بچوں سے ملاقات کرکے سہولیات کے حوالے سے آگہی حاصل کی۔