کراچی(سٹاف رپورٹر)سندھ اسمبلی میں حزب مخالف کے رہنما حلیم عادل شیخ نے کہا کہ پیپلز پارٹی کے چیئرمین بلاول بھٹو زرداری کی سرپرستی میں مہنگائی کے خلاف سندھ میں احتجاج ہورہے ہیں، دنیا میں مہنگائی بڑھ رہی ہے ، سندھ سے 18ارب روپے کی 16لاکھ ٹن سے زائد گندم غائب ہے ، پنجاب میں آٹا 55روپے کلو بیچا جارہا ہے اور سندھ میں آٹا 80روپے کلو بیچا جارہا ہے ،کیا اس میں بھی وزیراعظم عمران خان کا قصور ہے ۔انہوں نے کہا کہ آٹا چور،چینی چور، آر او پلانٹ چور، ایڈز ویکسین چور کس منہ سے احتجاج کررہے ہیں۔