لاہور(کامرس رپورٹر) وزیر زراعت پنجاب ملک نعمان احمد لنگڑیال نے زراعت ہاؤس لاہور میں کرونا کے حفاظتی اقدامات کے متعلق لائحہ عمل کی تیاری بارے منعقدہ جائزہ اجلاس کی صدارت کی۔ اجلاس میں سیکرٹری زراعت پنجاب واصف خورشید،ایڈیشنل سیکرٹری(ایڈمن) محبوب عالم، ایڈیشنل سیکرٹری زراعت(پلاننگ)عبیداﷲ کھوکھر ،منیجنگ ڈائریکٹر پنجاب سیڈ کارپوریشن محمود بھٹی ودیگر نے شرکت کی،اس موقع پر وزیر زراعت پنجاب ملک نعمان احمد لنگڑیال نے تمام افسران کو کرونا سے متعلق حفاظتی اقدامات پر سختی سے عمل کرنے کی ہدایت کی۔