اسلام آباد ( 92نیوزرپورٹ) سینٹ الیکشن سے متعلق علی حیدر گیلانی کیساتھ ویڈیو میں موجود کردار سامنے آگئے ،ایم این اے کیپٹن(ر)جمیل اورفہیم خان کھل کرسامنے آگئے اورکہا ہم دونوں علی حیدرگیلانی کی ویڈیومیں موجودتھے ۔ فہیم خان نے کہاہم وزیراعظم عمران خان کے سپاہی ہیں، صحافی کے سوال کہ سٹنگ آپریشن کس کے کہنے پرکیاتھا؟ فہیم خان نے کہااس معاملے پر پارٹی کا بیانیہ جلد سب کے سامنے آ جائے گا۔صحافی نے سوال کیاکہ کیااپنے طورپریاکسی کے کہنے پرکیا؟ کیپٹن(ر)جمیل نے کہاہم پی ٹی آئی اورعمران خان کیساتھ ہیں،ہم نے ویڈیوکسی کے کہنے پر نہیں بنائی۔ ایک سوال پر فہیم خان نے کہاجوپیسے لیتے ہیں وہ پبلک میں نہیں آتے ۔الیکشن کمیشن کے سامنے پیش ہونے سے متعلق سوال پر پی ٹی آئی ایم این ایز نے کہا جی ہم الیکشن کمیشن کے روبرو پیش ہوں گے ، ہمارا دامن صاف ہے ۔